PAILALIM KUNG DUMALI

Ano ga ang blogspot na ito at sapilitang pinalitan kahit ayaw kong mag-move out sa bago nilang edisyon. Hinuli nila ako sa log-in ko at hindi na ako makawala sa kanilang bitag.
Blogging inang yan eh, ayos din naman ang kanilang padahak parang mga politiko na magaling dumali ng pailalim. Padadamahin ka ng padadahamin hindi mo alam na may hidden agenda pala, kelan kaya malilipol ang mga anak ng putakting mga politikong iyan na matagal ng humuthot ng kaban ng yaman ng ating bayan. Kung ako lang ay makakatagpo ng mahiwagang lampara yan ang kauna-unahang hihilingin ko, mag-disapir lahat na mga gahaman at buhong na mga taong nagsasamantala sa katayuan at kapangyarihang kanilang kinaluluklukan.
Bago tayo tuluyang mapalaot sa dagat ng pagkamuhi at kawalan ng pag-asa sa kahabag-habag at lugmok na kalagayan ng politika sa ating bansa, mabalik nga tayo sa blogspot, mga kablogkada saan ga magandang mag-migrate o maglipat ng blog kung sakaling ayaw mo na dito sa blogspot. May alam ga kayong libre na malilipatan o makigaya na rin ako sa ilan sa inyo na magbayad para may sariling dot com. Ano kaya ang magandang titulo? garci.com (after com. garcillano), com.com ( commision at commision pa rin in honor of our politicians at mga corrupt na government officials), ti.com (para sa mga tikom ang bibig sa mga anomalya ang kabuktutang nakikita sa kanilang kapaligiran), hin.com (wag madumi ang isip, hin. para sa mga taong hindi makahindi at makatanggi sa tukso at kinang ng salapi, nagpapagamit kahit isangla ang puso at kaluluwa magkamal lang ng limpak limpak na kuwarta. Ok na ok rin ito para sa mga yes mam at yes sir na opisyales, hindi makahindi sa utos ng mga nakakataas kahit alam nilang mali ang inuutos basta mapabuti lang ang kanilang kalagayan at katayuan kahit na karamihan ay mapasama.) O sige mga kabloblogyan, bago ako magpaalam may maiimungkahi ga kayong ngalan ng dot com. (hin dot com, mukhang maganda nga yata yon ah may dating, kaya lang baka mapagkamalang sex site, mag-flag tuloy ako!)